婚前調查

婚姻乃人生大事,唔同街市買菜,特別係而家人心不古,「婚前調查」可以講係「背景調查」服務當中一項新興的「市場分類」。四月底就有一宗調查背景的個案,委託人雖然不算大富豪,亦屬家境頗富裕,女兒打算跟拍拖九個月的男朋友結婚,父親见過呢位女婿後,由於擔心愛女遇人不淑,更怕是志在自己家財的騙子,所以委託我們來個大起底。

據委託人說,此人自稱「自小舉家移居加拿大,大學畢業後獨自回流香港,在中環一家金融機構任職管理層,獨居西半山豪宅,父母還在加國。」老人家始終走慣江湖,言談得知女兒從未去過對方居所,而此人談及工作亦有所甩漏,委託人便心生疑竇。

最終調查所得,目標男子曾有登記多間有限公司的董事,其中一間有錢債官司未完。講到金融才俊,根據個半月的監視,莫講話此人從未到過所稱工作的公司上班,就連中環都無去過。至於說住西半山居所「一踢即爆」。次次同千金拍完拖,都係返黃埔花園同一棟樓,後經調得知,單位的業主正是此人。或者大家可以幫佢找藉口話有錢有幾個物業唔出奇,黃埔只係佢嘅「行宮」。雖然任何荒誕離奇的藉口都可以做理由,但世界上有正常智商嘅人都唔會信。對住未婚妻,工作、住址都無樣真,唔使講委託人已經肯定此人是個騙子。
黃埔物業已左按又加按,錢債官司纏身,雖然找不出他有香港婚姻記錄,可惜家中有女人及小孩!
之後點樣?我哋唔知道。不過假如個女仔知道未婚夫如此景況,還要同佢喺埋一齊,無話可說。

評論

評論