假保險單

 

近日警方偵破一宗保險中介以假保單行騙嘅案件,仲大鑼大鼓開咗個記者招待會,相當高調。 據警方稱,單係已知受害者都有千幾,呼籲其他受騙而又未報案嘅苦主盡快聯絡警方,相信實際受害人數字應遠不止一千。
其實早喺本年中,我哋一目偵信已經成功幫助一位”準受害人”逃過今次涉案呢間”立成保險”嘅劫數。 最初,這位準受害人係本社老頂「King sir」朋友,從網上找到這家「立成保險代理」,由於其報價明顯比較低,便打算委託他們代辦購買汽車保險。
當時對方有位陳先生,表示公司正在做優惠,唔好錯過落單限期,可以先交文件出「臨時保單」,辦好晒續牌手續先畀錢唔遲。
即日,朋友收到陳生電郵一份「昆士蘭保險-臨時保單」, 便去運輸署搞汽車續牌事。 成功續牌後,朋友就再聯絡立成陳生取戶口入數。
原本打算去入數的準受害人,路上碰到King sir,才免遭損失。 原來社長見到保險代理畀佢個係私人戶口號碼,就即刻知道有問題。 因為一間公司冇理由唔用公司戶口,而畀個私人戶口客人入數。
於是受害人再聯絡陳生要個公司戶口,對方卻畀另外一個私人戶口老友入錢。 經King sir指點,當然唔再上當,堅持之下,對方見陰謀未遂,竟乾脆叫老友取消張保單!事情再明顯不過,呢位立成的陳生身有屎,明知客戶唔上當,就老羞成怒,草草打完場。
King sir仲提醒當事人向昆士蘭保險查下張「臨時保單」孰真孰假,而回應既很妙,佢並無直接回答張保單是否「偽造假單」,只係話「呢張單唔係我哋出」, 咁就變成一個無關的第三者。
事件仲有個有趣之處,就係成功用這張偽做假單在運輸署辦理續牌手續。 我唔知道要運輸署同各大保險公司check每一張市民遞交嘅「臨時保單」有多大困難。但跟據今次所見,路面上「無保險的車輛行駛」絕對唔奇!

評論

評論

1