有查冊，就有保障！
[vc_column_text pb_margin_bottom=”no” pb_border_bottom=”no” width=”1/1″ el_position=”first last”]
睇到張震遠商交所案，又再一次印證到，堅決反對政府修改《公司條例》係正確的。最初當事人自爆起始，到有三人被拉再上法庭，跟著三人連進一步資料被記者再查冊挖掘，好似砌圖咁重組各種關係，唔係咁，你估政府會開誠佈公比公眾知？有人會話，社會名流成日都有醜聞啦，干卿何事？說話唔可以咁講，要知道呢單案主角身居重要公職，如果有何唔掂，絕對會影響大眾市民利益！再講，有咩冬瓜豆腐，就已經連帶好多投資者受害；多嘅唔講，就算只係得幾十人受影響，是否就唔需要理呢？
仲有喎，萬一修咗例，到時就唔止係查唔到高官名流，而係所有人都一樣。試諗下，好人好者，查唔查到都好似唔關你事，但萬一你係苦主時？到時恐怕你唔係咁諗！講真，香港地要變苦主其實好容易，上至巨額投資，下至日常買野，都有機會中招。現今的查冊制度，一來可以比人做投資買賣前認清對方，作為風險評估參考資訊；即係你買野都會索下料格下價先啦，道理一樣。另一方面，萬一你唔好彩被人呃咗，或者唔係呃，但對方出咗事而令你損失，查冊亦可以幫你查到對方底細。例如原來對方話冇錢或者走咗路，但原來名下仲有其他公司物業資產，根本唔係果回事，這就有得追討了！
大陸好多貪官臭史因為查冊而被揭發，官場風聲鶴唳，已對國內調查業開刀。香港查冊制度行之有效咁耐，從來只有幫到人而冇話有人投訴受害，跟本只係用保障私隱做藉口。反而個班電訊商公然將百萬客戶資料販賣，千萬金元落袋，這就是侵犯私穩，又得到何種處罸呢？所以查冊制度使資訊流通兼能清楚保障，使社會生活更公平。
[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]
一目偵信 – 上校
作者簡介
調查公司高級總監，曾當軍旅生涯，亦曾為人師表，轉投調查生涯，只為人生加添豐厚色彩。認為調查工作，有如行軍布陣，歩歩為營，不能稍有差池。享受艱苦搜證過程，從抽絲剝繭中，破解隱藏，還原真相。
[/vc_column_text]
