工傷騙案

「工傷調查」,各位老闆主管不可不知,如果懷疑員工有呃工傷古怪行為,就要馬上開始跟進,不然被騙不止醫藥費,工資。但亦不要有勞工保險這個安全網,就以為冇事,羊毛出在羊身上,後面嘅損失是可以好大。好多是利用這種漏洞,上下其手咁搵食。

我地做開不少工傷調查,早前就有一單賊過興兵嘅工傷調查例子。波叔係一家食品供商老闆,兩年前一個搬運工人阿賢聲稱整親條腰,當第一次睇完醫生後返工報工傷,主管已經發現受傷日期同更表唔夾,據阿賢簽到記錄,受傷當日根本冇開工,但阿賢話醫生紙日期有錯,即刻自己刪改,最好笑係主管又接受咗。
自始,阿賢不斷話腰痛請病假,醫生最後報告亦冇指出具體受傷,所以一直都只係給予吃止痛藥。直至覆診醫生亦不給病假紙,就去第二間醫院再求診,如是者維持咗大半年,醫生都話睇唔出有咩問題。而主管就諗住有保險墊底懶得理。但不尋常是,傷者一直唔肯接受醫生建議做進一步檢驗。當睇勻政府醫院,醫生都話冇事,阿賢就轉去睇跌打。據委託人提供資料,阿賢前後睇咗三個跌打醫生,而共中一個提供的診斷證明就話阿賢整親脊髓神經,好長手尾。由於阿賢不斷索償,保險公司幾倍數字咁增加波叔公司loading,令公司保險費激增。半年前阿賢辭職,經律師出信指稱因為工傷影響,失去正常工作能力,而向波叔公司索取大額賠償。

所以,懷疑一單工傷有問題,一定要即時進行調查,如果真係呃錢,求診過程中較易搵到證據,但事件發展至此,波叔先想到要查阿賢嘅工傷真偽,雖然有機會證明阿賢索償理據言過其實,只能有助談判減少賠償額;但係就冇可能證明到阿賢當初冇受過傷。因此,苦主波叔喺呢件事上面,最多都係減少損失,但無助於找出真相,踢爆騙子。

blog04

一目偵信 – 上校

作者簡介

調查公司高級總監,曾當軍旅生涯,亦曾為人師表,轉投調查生涯,只為人生加添豐厚色彩。認為調查工作,有如行軍布陣,歩歩為營,不能稍有差池。享受艱苦搜證過程,從抽絲剝繭中,破解隱藏,還原真相。

評論

評論

8