老千偵探 – 偽術

用語言「偽術」偷換概念,唔係淨係CY同班高官識,亦唔係大財團嘅專利,其實係私家偵探呢行,30年前已玩緊呢樣嘢。「政府註冊」,「自置物業」,「紀律部隊」,「高科技產品協助調查」⋯ 聽落就似模似樣,有D常識都明白,此乃千王群英會常用句子啦。

「政府註冊」:私家偵探在香港是沒有任何特別牌照申請的,去註冊有限公司就可營業。賣魚旦牛雜都要向政府註冊,有商業登記,請問做生意邊個唔使向「政府註冊」?

「自置物業」:我做左呢行咁耐,其實諗極都諗唔明,自置物業同調查工作有乜關係?

「紀律部隊」:聽落就好似模似樣,紀律部隊都分好多,一個做左30年的懲教員,水警,消防,就一定會識做調查,我就唔信喇!

「高科技器材協助調查」:手錶偷拍器,眼鏡偷拍,鬧鐘偷拍,針孔攝影⋯凡是偵探公司網頁擺出來話呢類高科技產品,話你知去鴨寮街,深圳華強北,三幾千蚊掃滿一箱,基本上用嚟呃師奶落疊就得!

最近有宗尋人case,委託人又係喺比好出名個位老千偵探千左,收左幾千蚊後,又唔做嘢,最後搵我地幫手。但係呢單case搵番個人既方法其實就簡單到不得了,因個姓名太特別,我只係用公司查冊就搵到呢個人,再上門確認是其人,咁就親人相認番。老千偵探連幾十元成本都唔付出,去電腦
按一下制就解決,跟本只要上門幫襯,都例牌千你,收左錢,完全零處理!

最後都係一句,小心老千偵探!下次再同大家踢爆。

blog04

一目偵信 – 上校

作者簡介

調查公司高級總監,曾當軍旅生涯,亦曾為人師表,轉投調查生涯,只為人生加添豐厚色彩。認為調查工作,有如行軍布陣,歩歩為營,不能稍有差池。享受艱苦搜證過程,從抽絲剝繭中,破解隱藏,還原真相。

評論

評論

3