魚目混珠的偵探社

[vc_column_text pb_margin_bottom=”no” pb_border_bottom=”no” width=”1/1″ el_position=”first last”]

最近有單法庭案件,被告是「世界私家偵探社」內的成員,成為海關新修訂商品說明條例嘅第一個祭旗。朋友問我點睇這件事,三個字,「攞嚟衰」!

第一,佢哋話自己公司三十多年,點知一查冊,登記只有幾年貨仔。咁就等於幾歲細路踩高橋扮大人,呃人唔到分分鐘自己仆死!做調查公司起目標底乃家常便飯事,自己被人起底亦是意料中事 -「預咗」。點會失策至被起底就錯失連連呢?打開門做生意使乜 「 舢舨充炮艇」?唔怕話俾大家知,「世界」絕對唔係香港唯一一間在廣告上胡亂吹噓嘅偵探社!出面好多偵探社實則都是「掛羊頭賣狗肉」公司,蠱惑仔充差佬底。

講開又講,就係因為太多人以為私家偵探都係退休差人,紀律部隊出身,所以某啲偵探社往往鍾意用前警務人員作招徠,客人邊識真假!之前「世界」喺公司網頁度吹噓所有case都由前警務人員負責調查,無他嘅,要滿足市場需求嘛。想喺度順帶一提,社會大眾有正確認知亦都好重要!我已經說過不止一次,調查工作同到底係咪當過差根本無直接關係!當差都要睇咩部門,試問報案室軍裝或者揸警車維修嘅警員會唔會識偵查?現實生活中有幾多個衝鋒戰警?警察部仲使整個偵緝訓練中心訓練偵緝人員?

此案例可以說,為此一眾靠吹噓作大,魚目混珠的偵探社敲起警號!

杜絕呃呃騙騙手法除咗要靠法律外,教育市場及客人有正確觀念,以正視聽相當重要,我哋一向致力推廣正面調查公司形象,改變廣大市民一直以來對私家偵探嘅誤解。我哋絕對唔係三教九流、黑白逢緣嘅神秘組織,而係正面卻冷門嘅專業人士。

[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]

blog04

一目偵信 – 上校

作者簡介

調查公司高級總監,曾當軍旅生涯,亦曾為人師表,轉投調查生涯,只為人生加添豐厚色彩。認為調查工作,有如行軍布陣,歩歩為營,不能稍有差池。享受艱苦搜證過程,從抽絲剝繭中,破解隱藏,還原真相。

[/vc_column_text]

評論

評論

About