Crew 魔

今個月航空界又有一醜聞公告天下,一位男空少出位成名了,賜與封號 “ Crew 魔”, 成魔之路娓娓道來……網絡世界越先進發達,透明度越高,什麼私隱密照也被網民大起底,惡行醜聞一瞬間被copy, forward, share, 轉載點擊率隨時達千萬。近月這位Crew魔非禮空姐的緋聞除了公司同事間瘋傳外,相信也瞞不了公眾,就如上回文章“醜聞”女主角的淫照在淫網大公開一樣被廣泛傳播,鬧得熱烘烘。正面一點來說爆發轉載這事件是警惕大家宜安份守己,待人處事也低調圓滑些,不要挑戰道德底線做出越軌行為,以避免惹禍上身,受千夫所指。

事發經過Whatsapp 轉載版~

E空姐: 被非禮受害者 A空姐: 目擊者

A:佢點解咁性飢渴???又一隻公司足球隊狗公,又多一個受害者….

E: 『呢條友(Kent)我之前同佢飛韓國仁川,話自己間房有鬼打左20次以上比我,我開頭以為佢真係撞鬼,但之後愈講愈離譜, 話隻鬼坐係床邊,用英文同佢講叫佢離開,之後仲大膽到走黎敲我房門,我無理佢,仲打個電話黎話係隻鬼控制佢黎敲我房門,之後mailbox 收到張單行紙同我say sorry,話我好似佢以前一個女朋友,依家終於比人唱開』

E: 返屋企就扮好老公,好變態囉…

A: 果隻一定係咸濕飛鳥, 人面獸心!

A: 佢在公司有個locker放咗好多唔見得光嘅野…
佢Classmate 話佢俾老婆逼成咁都未結婚時…乖仔一名…結婚後成咗魔crew……

E: Crew 魔….! 咁好多人連老婆都冇,咁就可以去打擾同事?

E: Kent呢條友借醉博懵,博懵後sent msg道歉又話自己家中壓力大又乜又七,經過查證後,此人原來經常借醉攪攪震,請各位女同事小心…..

案中男主角Kent,在whatsapp被設計公開了家庭照片,妻子和十個月大女兒也真面目曝光,文中對話言之鑿鑿,連文圖,還有當時人挺身而出錄製近二分鐘的反擊大控訴人語音留言, 事情因而鬧大了,公司管理層也不得不嚴正這鬧劇,找他照肺以正視聽。

男主角無地自容,一沉百踩,升級前被告發了“色狼”行為。相信他在航空公司十多年,也不知嚐了多少甜頭,多少女同事是自願或是無奈被抽水被騷擾,如今東窗事發,相信也只是冰山一角。據報公司已暫停他下月升級一事,待事件冷淡後才從輕發落。可憐禍及妻子,whatsapp照片,妻女容貌清晰可見,作為女人既失盡面子亦傷透了心。我和這位男同事多年前也共事過,感覺老實正直,只感歎人不可以貌相,日久見人心。

希望事件平息後,男主角能吸取教訓,不要重蹈覆轍,色字頭上一把刀,無謂破壞自己經營的婚姻,及事業前途。

blog09

空姐心路導航 – 張文

作者簡介

就職香港某大航空公司空中服務已有12年時間,現時職位是頭等客艙的Purser,我經歷了航空公司的高低起跌亦一起共渡過航空事業的發展進步。經常參與義工隊去外國探訪,及為公司拍攝一些宣傳影片。我希望藉著貴報專欄把一些空姐生涯中所見所聞、生活情趣與讀者分享!

評論

評論