果然是一隻神蟹!
神劇「大時代」丁蟹掟仔落街、孝哥既霸氣、以至靚絕五台山，筆者兒時女神藍潔瑛姐姐都成了新聞話題。不知真係咁啱定咁蹺套劇播出前一個月個股市就一支箭係咁升，大結局不到大半個月就「暴力插水」式狂瀉。神劇威力真係唔到你唔信，連跨國證券經紀里昂證券也叫這個為「丁蟹效應」(Adam’s Effect)，並於2004年3月為此發表研究報告，使這個現象受到一些其他國家的投資者所認識。
筆者其實已在早年「被敗走」股票市埸，明白到無時間、無膽識、無耐性就一定唔好玩。好似今次升市時和老友們一大圍檯食飯時都講買咗乜、今日又賺咗幾多我都一一搭不上口，那時確是有點不是味兒，真的有點衝動再次出擊。但當聽到連後面傳菜個侍應阿姐都在講要入阿里電影因為睇八卦新聞話趙微賺咗幾十個億，我就警惕自已不要輕舉妄動。果然在七月份三四日跌市就蒸發三四個月來所有升幅，無話唔驚。
筆者在網上讀到一個很有意思的金融比喻想和大家分享一下；
「剛跟一個銀行的朋友聊天，聊到金融三大支柱，保險，銀行，證券股票。他講了個比喻，挺有意思的。他說：
保險好比母親，平時嘮嘮叨叨，和你講生老病死，關鍵時刻一定給錢，陪在身邊不離不棄；
銀行好比配偶，“ 夫妻本是同林鳥，大難臨頭各自飛 ”；
股票就是小三，有錢跟你玩，時而讓你心跳，時而讓你血壓升高，很刺激！一直玩到你沒錢 。」
明咗，笑咗。
〝森〞靈雞精 – 許森
作者簡介
於中、港、台從事媒體工作二十年，目前為多間公司及商會的顧問／董事和自由撰稿人。
