拒單不接
生活無憂的鄧老太，委託查老伴偷食，卻被社長King Sir拒單唔接。打開門口做生意，我哋唔通有錢都唔賺？
當然不是。今時今日男偷女歡跟本不是什麼大事，只是年屆古希嘅鄧老太想我哋搜集丈夫外遇證據，聽她訴說一輪，話這大半年來，何伯經常神神秘秘，一星期有三四日成朝唔見人，而佢總係話同朋友飲茶。老太雖然年紀大，但作為女性，第六感同疑心一啲都冇減弱，「幾十年老夫老妻，佢有幾多朋友，啲朋友又係咩人唔通我唔知？忽然間何來咁多朋友日日同佢飲茶？個死佬出面肯定收埋個女人！」，聽老太此言，可以看出她心裡早有定案，不只是懷疑。
面對火紅火綠的老太，我們有責任先讓她冷靜，再作商談。就一對七十多歲的夫妻，若丈夫真係出面偷食，先撇開道德層次不談。丈夫老鄧單看外型相當壯健，仍然有一定的性需要。可惜眼前的鄧老太，就算四十年前是位大美人，現在已是美人遲暮，變得了無性趣，所以根本無辦法滿足老鄧的生理需求。丈夫偷跳之舉，即使不為人所諒解，在小弟而言至少也是可以理解的。再講，兩公婆一齊幾十年，說難聽一點都已聞見棺材香，老鄧又不是拋妻棄子，如今若為這事鬧我家嘈屋閉，甚至產生更嚴重的後果，搞散頭家的話，傷害更至兒孩，那又何必呢？
我唔係鼓勵夫妻各自偷歡，更不是說婚外情冇問題（這案件亦未必係婚外情）。只是大家不妨從技術層面幫老鄧想想，可以點樣處理其性需要問題？如果只容他自行解決，不准有外援，咁未等同禁慾？當他今天行得又抽得，如此齋戒禁慾，生活如同禁閉營？我反問各位，你哋自己邊個做得到呢？歸根究底，像這種情況，問題可能出在大多數人將性慾同感情綑綁，造成思考盲點。
老太回家細想，個多星期後帶來利是一大封，多謝解決其心結。之後King Sir話，有時情願賺少D，解決左人家難題，亦間接使她們多個兒孫家庭沒被捲入困擾。心情更為寬暢！
一目偵信 – 上校
作者簡介
調查公司高級總監，曾當軍旅生涯，亦曾為人師表，轉投調查生涯，只為人生加添豐厚色彩。認為調查工作，有如行軍布陣，歩歩為營，不能稍有差池。享受艱苦搜證過程，從抽絲剝繭中，破解隱藏，還原真相。
