TVB訪問

Screen Shot 2016-02-29 at 10.27.57 pm
唔知大家有冇睇2月23號,TVB J5高清台-《財金導航》我哋嘅訪問環節?節目除咗介紹調查公司日常業務外,最難得係攝製隊跟我哋落場直擊拍攝。雖然只係參與其中部份行動,但帶住「戰地記者」做嘢都係頭一次,就算身經百戰嘅手足初頭都感到有點不自在,不過好快便進入狀況了。

我好欣賞記者在直擊拍攝CASE過程的表現,不過我覺得後期製作就出左DD問題。因為本行業工作需要,訪問時必須考慮身分保密(其實調查行動組同事,不同老頂社長,佢拋頭露面,兼賣身肉博,為求生意),而一班手足只能從背面拍攝,不可出鏡,工作時亦要戴帽掩護,避免拍到調查員面貌。雖然前面所講樣樣做足,但出街當晚一睇,訪問時字幕竟然有受訪者真實姓名出街⋯吹脹!

從報紙雜誌到電台電視,曾經過百次接受傳謀訪問,雖則我哋嘅工作未至於好似警方卧底咁危機重重。就算被人發現亦不會危險到性命不保,但調查員工作性質,始終屬於「暗地的枱下工作」,縱使不是犯法,身分曝光始終對工作有潛在影響。

講番個節目,以前大家由於電影小說渲染,加上坊間老千偵探吹噓,對正規調查公司形象同工作都充滿各種誤解。睇完我哋嘅訪問,你會發現原來好多工作,與一般既有觀念都係「錯的」!「私家偵探」只係提供與生活息息相關嘅調查搜證服務嘅民間公司,絕對不是某些人想像中又要直通天庭,警政關係又掂,背後必有黑道勢力,蛇鼠二路皆通,無所不為的神秘行業,信就「白痴」。

評論

評論

About