五星級偷情

荷里活間諜片中，神通廣大的中情局幾乎喺任何地區都有安全屋，作為情報人員藏匿所在，藏身設施唔一定揀深山野嶺山旮旯，大隱隱於市，其實好多安全屋都選址城市中，所謂最危險嘅地方即最安全。
現實中不少老闆情婦都有其安全屋，為咗唔畀人鎖定目標，會選址四通八達而且高度設防私人屋苑為情婦打造”五星級金屋”。今單個案，就係如何在「銅牆鐵壁五星級豪宅金屋」搜集目標偷情證據。
一位闊太委託搜集老公偷情證據，經過連日跟蹤，發現老闆經常會中午前後去西九貴價屋苑逗留，定時7點回家晚飯，前後成個月，二人足不出戶。因為保安理由，調查人員根本無法進入屋苑範圍進一步搜證。面對食胡「樽頸位」，束手無策，幸而闊太全力配合，馬上租下同一屋苑單位做”基地”，方便調查人員自由出入。
雖然基地同老闆私竇同一大廈，但不同層數，只見老闆出入，完全見不到狐狸，足足三四星期，才終於在會所见到二人出現活動，這才一窺「全豹」。目標會所內一幕幕活動，拍拖親熱真人show連載畀太太知情，總算完成委託。
最後下場如何，就不便多問，只知道各位老細如果有個出手闊綽老婆的話，最好就不要背妻偷食囉！

評論

評論