Meat Me Tuesday 食肉無窮星期二

自問昰食肉獸的朋友們,星期二有空嗎?建議大家相約埋幾位好肉之士,星期二來到Porterhouse,因為這裡有個Meat Me Tuesday推廣,便是逢星期二各類肉食包括了牛、豬、雞及羊,都是任食兩小時,各款都是有質素,除了肉類外,還有前菜、沙律、芝士、冷盤、及甜品,全部任你吃個痛快,一句講晒是性價比高。

首先講講buffet枱上放滿了新鮮蔬菜,還有較為貴價的火箭菜,芝士蕃茄、茄子、凱撒沙律、焗薯;主菜則有四款肉類,包括皮脆到卜卜聲的燒肉,入口帶少少肥,好好食呀! 雖然超級邪惡,但實在令人忍唔住再來一條;還有大大件的澳洲牛扒烤到medium剛剛好,好Juicy肉質好嫩滑;羊架則羶味適中又好香口,兼無多餘脂肪;講到雞肉同樣是令人讚不絕口,款款都好滋味,令人按奈不住不停地吃呀! 此外,若是酒之士,加多$288便可任飲香檳、紅、白葡萄酒;仲有朝日啤酒和雞尾酒,俾你飲足兩小時,呢個價錢真是超抵,絕對唔慳得。

澳洲牛扒,肉質鮮嫩,建議食帶少少肥就最好味。

超讚的雞肉,不妨一試。

羊架羶味適中又好香口,兼無多餘脂肪。

仲有四款小食任你食,香炒蘑菇,忌廉薯蓉和雜菜沙律;個人最愛是呢款邪惡小食,黑松露脆薯條,只可以講一句,太好味了,必試。

火箭菜成本都稍貴,這裡無限量供應,只是加點橄欖油及黑醋已好好味。

 

Meat Me Tuesday

價錢:每位$528 任食兩小時 (最少兩位起) 

 

Porterhouse 

地址:中環蘭桂坊德己立街30-32號加州大廈7樓

 

評論

評論

About