凱悅軒手工菜 細嘗啖啖誠意的滋味
尖沙咀凱悅酒店凱悅軒重開左，另一班為食友一收到風就約食飯，今日呢餐晏就食得好滿足，因為真是食得出師傅的誠意及細心，款款都是手功菜，創意十足。前菜香脆蜜椒蟲草花，香甜的蟲草花，全是廚師先挑選大小一致的蟲草花以確保油炸時受熱均勻，加入蜜糖及少量炸粉炸至鬆脆，難怪入口非常鬆脆。
石窩原隻鮑魚千千層，熱辣辣的石窩上是用鮑汁浸住的鮮甜鮑魚。
那千層豆腐足有二十多層腐皮，入口即感受到大廚的真功夫。
脆皮茶香雞，未入口已聞到陣陣茶香，皮脆肉辣，好滋味。
雲腿玉簪蝦球及方魚炒芥蘭，前者將菜心幹串起蝦肉成球狀，入口爽甜又夠鮮味，後者簡簡單單的炒芥蘭都好令人回味。
最後甜品那酥皮流沙盞，更是好味到不得了。最後值得一提是呢度有個All you can eat嘅並推出全新自選菜單，每位$328，就有25款點心可選，無論幾多心既朋友都能滿足得到，即使食素的朋友都有著落，因為另一個素食點心套餐，都係$328，值得一試喇！
凱悅酒店凱悅軒
地址：尖沙咀河內道18號香港尖沙咀凱悅酒店3樓
電話：37217788
