【國金軒】的Omakase 好味指數爆晒燈

每次到【國金軒】都令人吃得超級的滿足,本想品嘗有齊京式片皮鴨、澳洲龍蝦及沙巴龍躉的「海陸二重奏」套餐,但見到主廚鄧浩宏師傅在場,就即時轉駄,講明必食片皮鴨外,其他就由他發辦,故此由頭盤至甜品,款款超好味,大家都食到捧住個肚,最後返到屋企要飲杯鳳梨酵素來幫助消化,但都覺得好值得。

「片皮鴨兩食」

 

皮脆肉嫩的鴨皮,夾埋自家製甜薑絲及其他新鮮配料,本來諗住食兩件,最後忍唔住食足4件。

「冶味醬鴨肉鍋巴筒」

兩食一般是生菜包住鴨鬆,但鄧師傅用鍋巴卷成如甜筒般,成為將鴨鬆填滿筒內,好創新,脆卜卜好惹味,只能用超好味來形容;每道菜同樣高質,每一口都是滋味的享受。

「糟椒鴛鴦雞」

用了竹絲雞、三黃雞及米糟,以65度的水溫慢煮三小時,令雞肉軟嫰還滲出陣陣的酒香;面頭的啫喱晶瑩通透,細問之下,原來是女兒紅花雕加入花膠與雞湯做成啫喱,甜甜的很好吃。

「十五年陳皮椰子花膠雛鴿湯」

我的至愛登場了,這道雛鴿湯,未入口已聞到陣陣椰子香,還有大大件的花膠,好滋補呀,真好好飲呀!

「瑤池妃玉」

用了蒸蘭王雞蛋,取其蛋味香濃,面層放上經過油泡的薄切南非八至十頭鮑魚,最後再淋上了龍蝦油,鮮味十足,還有那鹹香的法國魚子醬,立即升級好矜貴呀!加倍提升!

「香蔥清湯珍肝咖啡菇」

先將炸得香脆的京蔥及法蔥,以墨魚膠釀大啡菇伴底,這隻大啡菇以百里香焗一焗,主要是去除了草青味,墨魚膠原來是用了金錢雞,口感好豐富,味道很香濃。還有切粒的金錢雞,雞肝雖然好邪惡,但現在坊間也很難找到,所以師傅真是非常有心。

「綠胡椒汁元貝岩米南瓜盅」

這個南瓜盅可以話超級的特別,南瓜盅面層是雞蛋,內裡有帶子及岩米。而所謂岩米是一種藥用植物,更是營養的代表,含有豐富的蛋白質、維生素、葉綠素….等,清熱解毒,口感有點像薏米,煙煙靭靭的,同樣好好味。至於帶子都幾清甜,配上綠胡椒汁味道更佳。

「十五年陳皮焦糖燉蛋」

這個焦糖燉蛋,矜貴點是那一粒粒的15年陳皮,令香甜幼滑的燉蛋,味道更獨特。

 

國金軒

地址:尖沙咀彌敦道118號美麗華廣場The Mira Hong Kong 3樓

電話:2315 5222

營業時間:星期一至六11:30 – 14:30,18:00 – 21:00;星期日及公假10:30 – 15:00,18:00 – 22:00

 

 

 

評論

評論

About