老千偵探 -「兩家茶禮」

[vc_column_text pb_margin_bottom=”no” pb_border_bottom=”no” width=”1/1″ el_position=”first last”]

做調查行業,除了有「食力」外,還要有職業操守道德。調查工作,一定會接觸到委託人及目標人物嘅個人資料,好多時甚至會牽涉到一啲當事人嘅尷尬私隱。所以我地呢行,「保密」係必要嘅專業操守!

從來樹大有枯枝,尤其是我地呢行咁多掛住羊頭賣狗肉的「老千」,時有泄密嘅事發生,如果唔識得嚴選委託對象,揀間靠得住嘅調查公司,隨時「賴嘢」!雖然話未至於私隱被人周街派,但往往會搞喎成個case,可以嚴重影響個人利益。

之前有個闊太誤入一間老千偵探社查老公,因為知道出面有女人,諗住捉佢黃腳雞再搞離婚,分身家亦順理成章。

因為闊太由頭到尾都未見過隻狐狸精,滿足其心態,要開工第一task就係要女人相頭,睇下勾自己老公嘅究竟係咩貨色。開工一個禮拜左右,行家話已經查到男女行蹤,仲影咗個女人相添,闊太大喜,速約睇相。當問到張相邊度影果陣,行家就顧左右而言。當時闊太都冇特別追問,只要續跟蹤搜證。

奇怪嘅係,自此之後,闊太就好少再收到老公偷情嘅新料,最多都係同相中女子及一大班人,或者都只係得啲兩個人正常社交相。即係話只有個女人相而咩通姦料都冇。

原來,成件事個根本係個老千行家食兩家茶禮,同老公報寸,寸埋老豆賣料攞著數!而當初話跟蹤影到個情婦張相,盲都睇得出係流嘢;相中女人擺好姿勢影的生活相,點會望住鏡頭笑呢!跟蹤偷拍點可能會咁樣?老千得嚟完全錯漏百出!

闊太都唔係懞上心口果隻,當俾錢送瘟神,停晒老千果邊嘅行動。後來佢拿住狐狸張如同唱片封面造型照上嚟,請我地接手調查。當然最後千辛萬難,最終完成!但呢類老千偵探衰野,真是罄竹難書!

*老千偵探告知,這相片是跟蹤及偷拍二奶得來 的!你相信嗎?反正我 就不相信!

[/vc_column_text]

評論

評論

About