「追車」

[vc_column_text pb_margin_bottom=”no” pb_border_bottom=”no” width=”1/1″ el_position=”first last”]

坊間多說我們調查公司收費貴,簡單跟蹤都要收過千元小時,出面好多都唔使咁貴咁話。哈!說這番話的人根本就無常識,更且通街老千偵探社,話五、六千元就可以做1日,殺訂掠水為實!講個CASE俾大家聽,分享下我地點跟蹤法,大家就會知道其實物超所值。

首先不是所有偵探社都有調查員及車隊,而車輛係開工的標準裝備,追車對於我班手足來說雖然係家常便飯,但這次跟蹤對偷食男女,佢地由大埔入元朗,再殺番出九龍,我哋就要三架車去追!點解?因等候地方有三個出口,及對方快車手一名,另加上目標唔熟路,全程係咁左兜右轉,行車路線不正常,個剎那很難判斷是目標發現有人跟蹤,還是他跟本走錯路,左穿右插,十足大坑舞火龍。

追車時,通常原本隔一兩架車做掩護,慘在那晚多車,上咗高速公路冇耐,又被左攝右攝隔多幾架,去到冇雷公咁遠。大家有開慣車都知道,喺夜晚多車嘅時間,本來已經唔易睇得清楚前面遠處架車,加埋對頭車大光燈,真係睇到眼都花!咁都未算,目標搵個出口落咗公路,唔見咗,真係有排都返唔到轉頭,到時目標已經影都無。為咗唔俾佢甩,我哋係咁攝上,有時無辦法連路肩都照行,好不容易才拉近距離,如此輾轉結果才跟到佢地兩人去撐枱腳。

由元朗出九龍段,唔好彩被大貨車阻一阻,目標再次離開視線範圍。今次真係遇到難題,唔單只係距離,更係分岔路!好在我哋有三架車追蹤,一人追一條線,盡可能大包圍!最後由搵到嘅手足報位置通知大家再度會合追車,這晚行動才得以繼續。講番轉頭,其實我哋大可以好似有啲偵探社咁,反正收咗訂已經有錢喺手,甩咗關人,使乜咁搏?但我哋唔係二打六不負責任的老千偵探社,接左案就要全力以赴,以打不死精神做嘢,盡最大能力不負所託。

大家有數得計,人手加車輛,咁嘅陣容同工作表現,收千元一小時點算貴呢?

[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]

blog04

一目偵信 – 上校

作者簡介

調查公司高級總監,曾當軍旅生涯,亦曾為人師表,轉投調查生涯,只為人生加添豐厚色彩。認為調查工作,有如行軍布陣,歩歩為營,不能稍有差池。享受艱苦搜證過程,從抽絲剝繭中,破解隱藏,還原真相。

[/vc_column_text]

評論

評論

About