押金

[vc_column_text pb_margin_bottom=”no” pb_border_bottom=”no” width=”1/1″ el_position=”first last”]

大家唔好因為出面通街老千偵探,就以為呢行全部都只掠水不幫人。本公司不是收訂唔做嘢之流,特別情況之下,我哋甚至試過不收訂金就開工添。

之前,有位仁兄想我哋幫佢調查老婆是否在外面癡老細。佢老婆喺中環一間酒吧工作,因為做嘢環境,好容易有男人埋身,而且聽委託人講最近呢個月好似同個熟客行得好埋,仲有FRIEND見到佢哋行街睇戲添。委託人搵我哋做一星期跟蹤求證,最初以為好似某啲私家偵探社咁幾千蚊搞掂,加上屋企有事,一時間,莫講話調查費,見佢根本連落訂金都成問題。奈何老婆偷食,男人最痛,自然想要個真相。只不過,因為經濟問題,冇咁多錢可以負擔調查費用。

講到呢度,佢似乎感懷身世,竟然就係會議室喊咗出嚟!OH MY GOD!這位仁兄虎背熊腰,黑黑實實,仲留有幾許唏噓嘅鬚根,MAN到無倫!一個猛男點解陌生人前流馬尿?除咗因為思疑老婆送綠帽之外,原來係佢一早帶埋一包金器喺身,原本打算變賣套現,用嚟俾調查費嘅;而呢包金器係阿媽剩落俾佢嘅傳家之寶。當時當刻,百感交集,最終到咗傷心處而流下男兒淚!

雖然係打開門口嘅生意人,但到底仲係一個人,如此情形,佢如果真係賣晒啲金,可能呢世都攞唔番,何況果啲係阿媽留低嘅嘢,已經唔能夠用價格去衡量價值。我哋決定幫佢!於是叫佢唔使賣金,就將佢哋暫時放喺我哋度,慢慢籌錢好,分期又好,再嚟攞番。而呢次委託我哋就咁幫佢開工,四天已經完成所有調查工作。至於啲金?委託人話佢已經差唔多準備好,過咗年可以嚟攞番。

[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]

blog04

一目偵信 – 上校

作者簡介

調查公司高級總監,曾當軍旅生涯,亦曾為人師表,轉投調查生涯,只為人生加添豐厚色彩。認為調查工作,有如行軍布陣,歩歩為營,不能稍有差池。享受艱苦搜證過程,從抽絲剝繭中,破解隱藏,還原真相。

[/vc_column_text]

評論

評論

About