調查都有中港矛盾?

[vc_column_text pb_margin_bottom=”no” pb_border_bottom=”no” width=”1/1″ el_position=”first last”]

近期中港矛盾呢個議題炒到沸沸揚揚,除咗衛生同守秩序差異之外,還有很多觀念上嘅差異。

其實連我地調查行亦有,這幾年不斷都有大陸客搵我地幫手,同這個客戶群接觸過程中,亦充份體會到兩地人觀念上真係好唔同。與大陸客面談,普遍都會提出一些奇怪要求,就以尋人案件為例,要搵到先俾錢。所以佢地聽到要落訂金,一般都耍手兼拎頭。

任何人都明白,開展工作有一定成本,調查行亦不例外,那有成功才找數的道理?正如睇醫生同請律師,從來無話要醫好病才付醫藥費;更唔會有人話包打贏官司,律師才收錢啩?這些三歲小孩都懂嘅常識,偏偏內地同胞就唔識,奇怪!
曾經做過有單尋人,目標已年屆八十老人,失聯兩年,委託面談時,已經清楚講明有可能已經過身,但委託人堅信他未死,要求盡力搵。結果,真如所料係證明目標老人已經過身,有晒文件紀錄。

點知客人睇報告時竟然話唔算數!人死咗唔算搵到喎!直頭話唔會俾錢!另一單案,客人被朋友騙款千萬,我要求先付一萬訂金開展工作,他一開口就是搵到人付你5O萬,不會付一分錢訂金。

(心想搵人使乜50萬咁多,使5使咁大口氣呀?)經過這類遭遇,我地諗到一個零訂金,double or nothing尋人計劃嘅應對方案,委託人可以唔落訂,我地照樣開始工作,搵到就收雙倍價錢。既然有人話唔成功唔俾錢,咁我地當然可以成功就收雙倍啦,公平吧?

[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]

blog04

一目偵信 – 上校

作者簡介

調查公司高級總監,曾當軍旅生涯,亦曾為人師表,轉投調查生涯,只為人生加添豐厚色彩。認為調查工作,有如行軍布陣,歩歩為營,不能稍有差池。享受艱苦搜證過程,從抽絲剝繭中,破解隱藏,還原真相。

[/vc_column_text]

評論

評論

About