膠科技，偷拍器材！
[vc_column_text pb_margin_bottom=”no” pb_border_bottom=”no” width=”1/1″ el_position=”first last”]
呢排多咗人關注偷拍，繼掛鈎事件激到葛議員出來聲討後，TVB東張西望,亦都有介紹去鴨寮街就可以買到這類只要二、三百元便買到的「BB班丶小學鷄」偷拍器材。朋友同我講：「仲以為啲偷拍工具是什麼高科技，要專人外國訂購添，原來係cheap嘢，咁易買架？」我想不少人都好似朋友咁，一直以為偷拍工具係HIGH TEC產品；甚至好多私家偵探社都會特別在網頁中開個專頁去SHOW OFF呢啲街邊器材。哈！唔識就嚇死，識就笑餐死。而家一經傳媒廣泛報導，係人都知呢啲所謂高科技偵探器材原來呃飯食，根本上只係連地踎鹹濕佬都隨時可以買到嘅街邊貨色。真係唔知果批偵探係因為無知，真係當啲玩具係猛料，定係存心做電子黨呢？故意吹噓手上嘅街邊檔九流器材？邊樣都好，如果佢哋繼續攞啲現成偷拍眼鏡、手錶、鬧鐘或者筆呀咁，用來標榜擁有高科技偵探器材嘅話，只會被人笑得更加肉酸！
我一直強調，我做調查偷拍唔可能用呢啲現成器材，一定要先評估使用地點實際環境，再去設計適合工具，或者因地制宜，對現場實際情就地取才進行改裝。舉例說：一個室內監視，懷疑老公與賓妹有路偷情，要放監視器材在屋內，試問無端端屋企或OFFICE多咗個九唔搭八嘅鐘呀、收音機呀，或者溫度計之類，係人都會望多兩眼啦，一惹人留意咪增加穿煲機會囉！仲有果啲低B偷拍眼鏡，明眼人都睇到成個鏡頭大窿，清楚見到個鏡頭喺中間對住人，除咗老花、弱視或青光眼人士之外，冇人會睇唔到。根本是玩具扮專業級器材，恰你哋唔識！
[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]
一目偵信 – 上校
作者簡介
調查公司高級總監，曾當軍旅生涯，亦曾為人師表，轉投調查生涯，只為人生加添豐厚色彩。認為調查工作，有如行軍布陣，歩歩為營，不能稍有差池。享受艱苦搜證過程，從抽絲剝繭中，破解隱藏，還原真相。
[/vc_column_text]
