濫收費用古惑招
[vc_column_text pb_margin_bottom=”no” pb_border_bottom=”no” width=”1/1″ el_position=”first last”]
要求助調查公司解決問題，有如生病求醫，你唔好彩遇正，「王六」「神棍」「庸醫」，最終要治好病症，也得再尋名醫。小弟就週不時接到那些曾幫襯過各大老千偵探社，被掠水騙財後，來找我的客人。
近期又黎幾單，雖然都叫做生意上門，但確實睇唔過眼，忍唔住又要在此再次講出一些苦主的荒謬經驗，給大家一個警惕。至於牽涉邊啲偵探社，自行對號入座啦。
梁太要查老公婚外情，向她問了部份資料並初步分析了情況，對方聽完之後，很訝異我們竟會肯花時間先在電話中與未有幫襯客人談論分析case。當下便知對方曾經中伏，打蛇隨棍上，問佢之前是否做左水魚，在老千偵探社「被幫襯」過？
唉⋯一語估中！梁太到來當日，尚抱住誠惶誠恐心態，不過我地實戰分析，最終令佢釋懷。閒談之間，佢講咗之前上去那間經常被訪問老千偵探謀人寺經歷。話自己好多專家賊檔第一招：會面咨詢先收費掠水不在話下。第二招：更荒謬係正式委託簽約，再挌水要收「簽約費」！總之老千總會巧立名目掠你水。最慘就係簽約比錢之後，每次追問調查進展，一定係搵唔到人，或一係對方誨氣敷衍，飽經一番折騰，到最後就是乜都查不到，沒結果。委託人可以說是賠了夫人又折兵，陰功！
大小偵探社良莠不齊，當中有唔少靠食訂、咨詢同其他古怪，扮高科技⋯雜項呢類前期費用維生嘅吸血鬼，一個唔小心搵著佢地，唔該都冇聲就幫你銀包放血！雖然我唔止一次公開踢爆班老千偵探，奈何現實總會好似《警訊》一樣，講極都有人中招。反正，假如有需要委託私家偵探，讀者們自己小心啦。
[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]
一目偵信 – 上校
作者簡介
調查公司高級總監，曾當軍旅生涯，亦曾為人師表，轉投調查生涯，只為人生加添豐厚色彩。認為調查工作，有如行軍布陣，歩歩為營，不能稍有差池。享受艱苦搜證過程，從抽絲剝繭中，破解隱藏，還原真相。
[/vc_column_text]
