暗藏監控 成功破案
[vc_column_text pb_margin_bottom=”no” pb_border_bottom=”no” width=”1/1″ el_position=”first last”]
[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]
都有一段時間冇講過器材應用，呢排接咗單CHECK員工行為CASE，一間建材公司發現近半年貨倉存貨成日唔啱數，有時無故唔見幾箱，積少成多，前後估計損失二百多萬，管理層懷疑有管倉人員監守自盜。但由於KEEP鎖匙嘅唔止一個人，為免打草驚蛇，必須要諗出一個一擊即中嘅方法。
委託人暗中CHECK過出入貨紀錄，貨倉平日運作並無可疑，最有可能係收工之後，有人半夜三更私自出貨。如果搵人監視，由於唔知對方幾時落手，唔通要晚晚守株待兔？絕對係一個唔合經濟原則嘅笨拙方法。至於公司要裝閉路電視呢，咁好有可能走漏風聲，令有關人士有所警覺。於是，建議裝置偷拍器材監控。
委託人竟然問買邊啲器材好？哈哈！咁問法，佢可能冇睇過我哋專欄。以一目嘅作風，唔會求其介紹委託人出面買現成「膠科技器材」，我要求去貨倉實地視察，依據現場環境，同佢度身訂造一套專屬隱形監視系統。考慮到長時間運作同供電問題，我哋決定用行動感應攝錄方式。一組安裝在貨倉走廊，以現場原本的公司水牌及門鐘改裝，配合樓下落貨區升降機大堂的另一組鏡頭。當樓上一有動靜，樓下鏡頭自會同步攝錄，咁成個開倉出貨到上車過程就能夠清楚記錄。
經過一個月的監視，發現一共有五次神秘出貨紀錄，時間都係早上七至八點，正常開工時間之前，經同一批人，同一架車，而透過高清影像，委託人認出家賊竟然係公司一個老臣子！認真係日防夜防，家賊最難防。
[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]
一目偵信 – 上校
作者簡介
調查公司高級總監，曾當軍旅生涯，亦曾為人師表，轉投調查生涯，只為人生加添豐厚色彩。認為調查工作，有如行軍布陣，歩歩為營，不能稍有差池。享受艱苦搜證過程，從抽絲剝繭中，破解隱藏，還原真相。
[/vc_column_text]
