免費午餐?
[vc_column_text pb_margin_bottom=”no” pb_border_bottom=”no” width=”1/1″ el_position=”first last”]
[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]
多年來收到不少諮詢，查詢者會有”查到先俾錢”嘅諗法，叫人哭笑不得。 要建立市場正確觀念並不是一朝一夕能做到，尤其是從錯誤中撥亂反正，就要花更多時間。 就好似之前都講過嘅收費問題咁，到今時今日，仲有唔少人諗住查到先俾錢。 吹脹！
成功先俾錢，驟耳聽落好似好合情理，但仔細諗下，其實係概念錯配。 調查公司賣嘅係服務，唔係實體貨物。 就調查服務呢件”貨”本身而言，係以有冇做嘢作衡量，而唔係計調查所得結果，或者結果跟委託人主觀願望不同！
大家必須要有正確認知，委託可能建立在委託人的疑心或部份珠絲馬跡上，但調查結果則建立於證據，因此，經過我哋嚴緊調查分析，好多cases最終結果其實未必如委託人所想，例如假設的奸夫淫婦原來清白，可疑的員工其實冇嘢。 但係，就算最後證明委託人諗多咗，我哋都係切切實實花咗資源工夫，而且過程中做過啲乜，成功與否，係定唔係，都有根有據可以show俾委託人睇，唔似得有啲老千檔咁，有冇做嘢？做咗乜嘢？完全唔會交待，報告上一句冇料就拍拍屁股，袋袋平安。 我哋年中接唔少苦主cases。
話說回頭，調查公司服務就如醫生、 律師，甚至補習學校，sale嘅係專門服務，絕對唔係街市買嘢，一手交菜一手交錢！從未聞病未醫好唔俾錢、 官司輸了唔俾錢, 或者考試肥佬唔俾錢。 所以，希望借此機會，一再告訴大家正確委託觀念，不希望因行頭敗類而影響對我們正規調查公司的睇法。
[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]
一目偵信 – 上校
作者簡介
調查公司高級總監，曾當軍旅生涯，亦曾為人師表，轉投調查生涯，只為人生加添豐厚色彩。認為調查工作，有如行軍布陣，歩歩為營，不能稍有差池。享受艱苦搜證過程，從抽絲剝繭中，破解隱藏，還原真相。
[/vc_column_text]
