無賴天后
[vc_column_text pb_margin_bottom=”no” pb_border_bottom=”no” width=”1/1″ el_position=”first last”]
[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]
呢個世界大把無賴，無賴不限於限於市井之徒，受過高等教育嘅一樣大有人在，其中包括補習天后「媽打」。
「媽打」同旗下導師「歪歪」對簿公堂，諗住搵私家偵探社幫手搵出對方是否有犯罪紀錄作為暗器。不過大家都知，呢行老千當道，「媽打」先後慘被兩間掛羊頭賣狗肉的偵探社欺騙，兩間收咗錢都話「查無紀錄」。老千偵探靠呃扉吹搵食固然無賴，但眼見自命不凡，貴為補習界天后級人馬的「媽打」連中兩招，老字號偵探社話個資料庫只能夠查到2000年，之前的95、96、97、98年都查唔到，本人查冊經驗老到，至此啞口兼無言……
最後「媽打」近身侍衛來電查詢，希望幫佢查下「歪歪」有冇刑事紀錄，告知只可以查法庭訴訟紀錄，而有否案底是不可以查的。但法庭訴訟紀錄肯定可以追溯到2000年前，亦告知你之前被搵笨上當了。我提出方法，查不查到，先付4000元，如查到有紀錄，再多付8000。對事情始末有基本了解之後，委託開始，訂金亦收。即刻做個查冊，發現「歪歪」除咗多宗民事CASE外，更有一宗地方法院起訴紀錄。最後該訴訟案件詳細內容不公開查閱，未能知悉箇中底蘊，但好明顯之前的老千偵探社根本就是收錢唔做嘢，否則何來「查無紀錄」一說？隨即約其秘書交代結果，豈料對方一拖再拖，指沒有相關紀錄詳情，拒絕付費。同佢解釋過有關刑事罪行紀錄查冊的有關規定，更吓！明明係委託調查「有冇紀錄」，而家查到有，竟然夠膽講冇詳情唔算？之前一次又一次被人呃錢好地地，而家按委託要求做到嘢就同我耍無賴？有冇搞錯！
[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]
一目偵信 – 上校
作者簡介
調查公司高級總監，曾當軍旅生涯，亦曾為人師表，轉投調查生涯，只為人生加添豐厚色彩。認為調查工作，有如行軍布陣，歩歩為營，不能稍有差池。享受艱苦搜證過程，從抽絲剝繭中，破解隱藏，還原真相。
[/vc_column_text]
