離奇委託
[vc_column_text pb_margin_bottom=”no” pb_border_bottom=”no” width=”1/1″ el_position=”first last”]
接過的CASE多不勝數，當中不論主角多神秘，故事多離奇，只要是事實，謎團再多仍可拆解。不過，有些CASE，齋聽提供嘅資料已經舉手投降！唔係本公司冇料到，而係咨詢嘅人根本上思覺失調。面對呢種狀況，會用委婉嘅方法推掉委託，因為我哋唔會明知對方精神狀態唔正常而仍然去賺呢啲陰質錢！
呢類人通常第一時間睇唔出，初頭講嘅亦同一般個案無異。有位太太上嚟咨詢，話丈夫任職銀行高層，經常夜歸，又不時神神秘秘SEND訊息、傾電話等，後來無意中睇到丈夫WHATSAPP內容，有同一個女人打情罵俏嘅記錄，想我哋搜集具體通姦證據。本來好尋常嘅一宗感情調查，當我問到更多細節資料時，佢講丈夫返工放工、習慣模式等，表現都好正常；但到狐狸果PART，就越講越離譜，我越聽越唔對路。
佢話狐狸精真正身份係日本人，埋佢老公身係因為幫日本某大銀行集團滲透同控制香港銀行業云云。李香蘭都出埋，好嘢！心神稍定之際，佢又叮囑我哋調查時要格外小心，原因係個女人同日本皇室關係密切，由日本政府專人暗中保護，身邊最難應付係叮噹。大家冇睇錯，就係而家叫「多啦A夢」果個叮噹！見慣大場面如我，當時都差啲忍唔住笑。她之前搵過兩間標榜高科技器材的私家偵探社，最後對方都話因為叮噹出手，無功而還。OMG…可憐的太太，原來已經被千過。點解出面啲老千偵探無良到連有病嘅人都唔放過？
[/vc_column_text] [vc_column_text pb_margin_bottom=”no” pb_border_bottom=”no” width=”1/1″ el_position=”first last”]
一目偵信 – 上校
作者簡介
調查公司高級總監，曾當軍旅生涯，亦曾為人師表，轉投調查生涯，只為人生加添豐厚色彩。認為調查工作，有如行軍布陣，歩歩為營，不能稍有差池。享受艱苦搜證過程，從抽絲剝繭中，破解隱藏，還原真相。
[/vc_column_text]
