獨立歌手 Ryan 蔡俊彥正式宣布進軍樂壇，首支派台單曲《我最討厭的男歌手》全自資，由Phil Lam林奕匡作曲、Wyman Wong黃偉文填詞、Edward Chan監製，3月27日正式在各大音樂平台上架。「如果大家聽到一首好有共鳴嘅歌，歌手完完全全唱緊你嘅感受，歌詞寫中你嘅處境、你嘅過去，你會「討厭」呢位歌手嗎？有時口講「討厭」，但都係口是心非，心入面其實係帶有愛，希望各位都可以好似我咁，搵到你最「討厭」嘅歌手，不停聽佢嘅歌，去治癒埋藏係心入面嘅傷口！」
Ryan 蔡俊彥因疫情期間經常要外出比賽，經歷無數的隔離日子，於酒店無所事事，只尋娛樂，結果意外地發現自己埋藏於心中對唱歌的熱誠。其後數年，機緣巧合下發現自己不但熱愛唱歌，更是享受舞台，享受演出。今年Ryan決定進軍樂壇，嘗試為自己走出多一條新的道路，向歌手夢進發。Ryan 蔡俊彥首支派台單曲《我最討厭的男歌手》，帶出了一首比較充滿傷感情緒的曲風，Ryan：「好多謝前輩們願意同我一個咩都唔識嘅行外人合作。成件事都好夢幻，第一次聽Phil首demo就好喜歡，成個melody好似自帶回憶咁。亦都好多謝Wyman前輩願意聆聽我講嘅故事送上一篇匹配嘅歌詞。」
對於首次進入錄音室錄音，Ryan分享：「喺錄音室Edward同Phil真係手把手教我運聲，初初我好用力去唱，想唱到個情緒出嚟，但反而係嘥咗啲力但感情又未到位，Phil又會慢慢唱俾我聽，先至知道點樣用把聲嚟釋放感情。喺兩位前輩身上真係學咗好多嘢，好感激兩位。」
獨立歌手Ryan 蔡俊彥首支派台單曲《我最討厭的男歌手》將於3月27日在各大音樂平台上架，亦都希望有一日，Ryan有榮幸做到你嘅「我最討厭的男歌手」。
