北上消費飮飮食食之餘，原來依家做全身體檢都越嚟越hit，事關唔使排長龍，收費仲要平一半。
呢間位於福田區的第一健康係深圳大型體檢集團，地點超級的方便，地鐵站出口行一分鐘便到，隔離就是皇庭廣場。中心共有兩層，一層抽血、做CT、磁力共振及婦科，另一層就各部位檢查加中醫、醫美及心理輔導，都幾全面。今次呢個$769體檢套餐，包括內外科、眼耳鼻喉科全包，仲有婦科各樣檢查、照心電圖、超聲波、胸腔X光片等等，心肝脾腎都check齊，而最緊要有6項癌症篩查，如結腸癌、直腸癌、乳腺癌、胃癌、肺癌等，盡早做，自然心安理得。
整體環境乾淨企理，服務有禮，儀器都是名牌西門子，一星期就有報告send俾我，體驗唔錯。
地址：深圳福田福華路3號鼎和大廈4樓及5樓，會展中心站D出口行一分鐘。
