Xiaomi Tag主打簡單可靠追蹤功能，無縫融入每日生活，無論你用iOS定Android手機，都可以用到——兼容Apple Find My或者Google Android Find Hub，透過你熟悉嘅平台，輕輕鬆鬆追蹤鑰匙、背包、行李等日常物品，唔使再四處尋覓。
智能追蹤功能好實用，支援遠程尋找物品、遺失模式、協作尋找，仲有加強版私隱保護。當Tag同智能手機連接，而且處於藍牙範圍入面，大家透過Apple Find My App或者Google Android Find Hub，就可以輕易定位Xiaomi Tag，仲可以發出聲音，快速找到物品。如果不小心遺失物品，可以開啟遺失模式，標記物品為遺失，仲可以添加自己聯絡方式，方便其他人捡到之後聯絡你、歸還物品；協作尋找功能，仲可以在需要時透過網絡安全分享位置，提高尋回物品嘅機會。最貼心為保護大家私隱，防止被不明追蹤標籤跟蹤，手機會自動發出警示，安全感拉滿。
設計好輕巧，機身細細隻，有金屬外環同簡約外殼，淨重只有大約10g，掛鑰匙上、放背包入面，完全唔會增加負擔。內置懸掛同標籤設計，開箱就可以用，唔使額外安裝。耐用性都好唔錯，可更換CR2032電池，續航可以達到一年以上，仲有IP67防塵防水等級，日常雨淋、落塵都唔使怕。
Xiaomi Tag有1個裝同4個裝兩款選擇，3月2日中午12點同步開賣，銷售渠道同Xiaomi Watch 5一樣。建議零售價分別係港幣$89（1個裝）同港幣$299（4個裝），平價又實用。
