Xiaomi Watch 5搭載最新版本嘅Wear OS by Google（Wear OS 6），帶俾大家旗艦級嘅智能手錶體驗，操作簡單直覺，仲可以無縫連接各種Google服務。平時用開嘅Google日曆、Google Play、Google地圖，唔使拎手機，喺手腕上就可以直接操作；加上有NFC功能嘅Google錢包，出街買嘢、搭車，感應一下就搞掂，方便到爆。作為小米第一款搭載Google Gemini嘅智能手錶，大家唔使拎起手機，只要講句說話，就可以用語音查資訊、問路、處理日常瑣事，完全免手持，超方便。
仲有超實用快捷手勢功能，靠EMG、IMU同PPG感測器驅動，準確度高達95%，簡單一個手部或者手腕動作，就可以完成好多操作。一共有2種通用手勢（雙指捏合兩次、雙指搓動兩次）同3種自訂手勢（彈指、晃動手腕、轉動手腕），無論拒接來電、關鬧鐘、開始運動，或遙控手機影相、錄片，甚至打開Google Gemini、Google Wallet、YouTube Music等Apps，都可以一隻手搞掂，體驗更流暢。透過Xiaomi HyperConnect，仲可以跨裝置控制，比如遙控手機影相錄片³，或者用Xiaomi Smart Hub⁴管理屋企所有已連接嘅智能裝置，一機統控好省心。
最怕手錶日日充電？Xiaomi Watch 5有大小核心雙芯協作，高通W5大核心負責處理複雜動畫同演算，運作流暢唔卡機；恆玄2800小核心則負責省電，功耗低到唔使擔心。配備930mAh電池，加入10%矽碳材料⁵，仲有小米澎湃電池技術加持，加上Snapdragon® W5 Gen 1同BES2800低功耗協同處理器嘅雙晶片架構，智能模式下可以用足6日，省電模式更可以用到18日⁵，出遠門都唔使帶充電器。
外觀都好有質感，走極簡風格，創新懸浮屏設計，316L不銹鋼錶框一體鍛造，經過36道CNC精細加工，手感同質感都好正。1.54吋AMOLED螢幕，2.6mm超窄邊框，屏佔比高達78.28%，係行業入面都算頂尖。錶面同錶背都用咗藍寶石玻璃保護，超硬抗刮，透光性又好，長期用都唔使怕刮花，耐用度十足。
健康及運動功能都好全面，一按就可以做健康檢測，仲有進階運動分析，加上支援離線地圖嘅雙頻GNSS五重衛星定位，戶外跑步、行山，都可以精準記錄運動軌跡，運動愛好者必入。Xiaomi Watch 5平衡咗性能、智能同工藝，為大家嘅現代生活，帶來全方位互聯嘅智能手錶體驗。
Xiaomi Watch 5有卡其綠同星空黑兩種顏色選擇，3月2日中午12點，全線小米之家、小米之家專賣店、小米官網mi.com，同埋香港指定零售商門市及網站，同步開賣！建議零售價港幣$2299。
