銅鑼灣呢間五星級麵包店「Bread Of Life」，自月開業後一直成為大家打卡及網紅店，主要是麵包有質素，無他，因為這裏的首席麵包師傅來頭真不少，仲話曾擔任文華東方酒店及麗晶酒店的麵包總廚，擁有超過20年的專業經驗，都咪話唔簡單。
甫入店內都有別一般的麵包舖，環境簡約中滲出一點豪華感覺，店內集合各式歐式麵包、經典牛角酥，重主打健康無添加的全人手自家製作。今次就買左幾款麵包，真是幾有質素，尤其是牛角包外層金黃鬆脆，據店員講，原來每個牛角包內層有著25層完美的蜂巢結構，口感酥化，牛油味香濃，今次就無試齋牛角包，試了開心果內饀，流心的口感，好味。仲有丹麥酥層次分明的，外皮酥脆，內餡豐富。
立方千層酥開心果及土多啤，外層微脆，內餡含有果醬，賣相可愛，口味獨特，令人都忍唔住想再來一個。
愛食朱古力的朋友，不妨選呢款朱古力咖啡牛角包，包口感鬆軟，餡料中融入濃郁的朱古力和咖啡味，好正呢！另一款試覆盆子牛角酥，入口時新鮮覆盆子搭配酥脆的外皮，口感甜而不膩。藍莓忌廉丹麥酥，這款丹麥酥以藍莓和奶油為餡，風味獨特，甜而不膩。開心果丹麥酥，呢款丹麥酥的開心果風味濃郁，更是不少人的至愛。
地址：銅鑼灣利園山道G及H號舖
電話：67338961
