香港人平均壽命超過 85 歲，但原來僅兩成成年人訂立遺囑！好多人覺得「平安紙」離自己好遠，但其實訂立遺囑不只是為家人妥當安排，仲可以將對毛孩的愛延續落去。
保護遺棄動物協會（SAA）自 1997 年成立以來，一直堅持「愛護動物．尊重生命．不殺不棄」，拯救無數被遺棄、受虐的小動物。心仔呢隻流浪狗，當年被綁在 SAA 門口，在協會生活 12 年間經歷領養又退回，最後多謝職員 LoLo 不捨，搬離原生家庭自立門戶，陪心仔度過生命最後七個月；狗狗 Mujji 亦都係被 SAA 義工從絕望中救起，悉心照料後重拾快樂，2023 年在家人陪伴下安詳離世。呢啲溫暖故事，正正係 SAA 日復一日付出的最好見證。
而家 SAA 仲準備搬新址！因為政府收地，協會要遷去八鄉石崗，不過佢哋視之為蛻變契機，想為 200 多隻小動物打造更安全舒適的家園，變成人寵互助的溫暖基地。為咗讓更多人支持動物福利，SAA 聯同社企「遺善最樂」搞免費講座，教大家點樣透過遺囑訂立同慈善捐贈，為毛孩延續希望。
「遺善最樂」2021 年成立，同香港多間慈善機構、律師事務所合作，提供免費專業的遺囑訂立服務。只要你願意向合作慈善機構捐最少 1 萬港元（在生捐 5000 港元 + 遺產捐 5000 港元），就可以免費享受到律師協助訂立遺囑，其餘遺產仲可以自由分配畀親友添～ 截至 2025 年 9 月，佢哋已經籌得超過 21 億港元遺贈，幫助咗 420 多間慈善機構！
想知點樣規劃身後事、了解遺囑、持久授權書同預設醫療指示的重要性？千祈唔好錯過呢個免費講座！
日期：2026 年 1 月 10 日（星期六）
時間：下午 2 時至 4 時
地點：灣仔溫莎公爵社會服務大廈
費用：免費入場
報名：https://forms.gle/GNsHhaAX7W2hVcQbA
無論你資產多寡，都可以用實際行動支持心儀的動物福利事業。訂立遺囑唔係悲傷的事，而係將愛與善意延續的祝福。立即報名參加講座，一齊為毛孩鋪設更溫暖的未來，讓每一份善心都唔會隨時間消失！
