尖沙咀喜來登酒店，一向都有班捧場客，最近於喜來登酒店的網上商店預訂呢個【東瀛海洋珍寶遊自助餐】便可享買一送一優惠，各位為食朋友，不妨值住呢個咁機會呀於網上預訂和好友們吃個痛快吧！
而且每個周末，即星期五、六、日自助晚餐於晚上7時仲有即開即食原條吞拿魚刺身，今晚星期五唔單止現場睇到大廚即開吞拿魚，最正是即食，鮮味全送進口內，超正呀！講番食物先，都有過100款美食，海鮮類也有不少選擇，如波士頓龍蝦、即開法國生蠔，以及蟹膏飽滿的麵包蟹及鱈場蟹腳，鮮甜度百分百，相當不錯喇！
熱葷區今期推出日式料理，愛吃牛的不妨主攻日式鐵板宮崎A4和牛肉眼配炸蒜片，有質素，肉味濃，入口即溶，絕對是回本之作，仲有炸吉列廣島蠔配芥末醬，外脆內嫩真是好回味。
自助餐內仲有唔少前菜，中西日式俱全，至於飯後必吃的甜品，就充滿和風滋味，完全打造日本風，其中士多啤梨忌廉卷蛋糕、宇治抹茶紅豆歌劇院蛋糕、黑芝麻巴斯克芝士蛋糕，令人難以抗拒甜品的誘惑。
最後值得一提是下個月父親節即6月14至15日，自助晚餐推出一人份限定，香煎鵝肝配黑醋汁，大家記住訂位同爸爸來吃餐勁呀！
