誰說飲食市況前景不再呢？其實只要有實力，食物有質素，能留住食客個心及胃同樣能大展鴻圖，說的是《碧儷苑·精點粵菜》日前在九龍灣德福二期開設第三店，新店同樣糅合傳統粵菜口味及創新演譯，新店不但較中環及荔枝角店大，最正是價錢更實惠。日前見一眾董事們齊齊剪綵，祝酒及切燒豬，場面熱鬧又有氣氛。
剪綵後大家就坐定定食燒豬，真的是皮脆肉嫩好美味，當然不能少的便是這裏的點心，先來個足料的灌湯餃，內裏是滿滿的帶子及海鮮，鮮味十足。蟹子海膽餃，只能講句滿口鮮香。
主菜彫皇酒糟蒸馬友，開幕價$380，原價$498，入口肥美又有酒糟香，全無腥味仲好肥美，勁正。
白灼本地騸牯鮮牛頸脊伴牛丸 開幕價$298，原價$380，牛肉軟腍真心正，牛丸多汁又彈牙，加埋菜心伴底，絕對是完美組合呀！
脆皮豆腐外脆內嫩，香滑無比，又是另一令人心動的美食。
最後必讚是呢度自創，經過輕輕煎香的香脆芝麻糕，入口即有驚喜，暖暖的芝麻糕，芝麻超香，即使不太愛芝麻及甜品的我，都按奈不住食足3件。
蛋白杏仁露入口少甜又有濃濃的杏仁香，蛋白又超級的滑溜，和香脆芝麻糕一齊吃，黑白的組合，簡直是絕配。
呢度有12間房外，大廳坐位舒適坐得好舒服，相信今後九龍灣碧儷苑又成為大家搵食的最佳選擇。
《碧儷苑·精點粵菜》
地址：九龍灣德福廣場二期603號舖(九龍灣地鐵站 A出口）
電話：27882199
WhatsApp: 69257579
