水滾茶靚，真是水滾會茶靚嗎？其實飲茶最重要是茶靚，福和雍點心茶館自開業以來，一直有一班識飲識食的長期客，重點是這裏的茶葉有別一般，由品茶專家精選優質靚茶，就以大家最飲的普洱為例，原來是選用十幾年的靚普洱，難怪入口是純香且滑，而且沖茶的水更是經過過濾，難怪連杯茶都好飲過人。
茶館以米白色作為主調，有點西洋懷舊風，空間感強，坐位舒適，環境寬敞，這裏盛載茶具及食物的器冊，絕非一般器具，全是輕古董可想而知是如何的矜貴。還有這裏的餐牌及點心紙的背後，也能讓你感受到舊式的香港風情，來到這裏飲茶食點心，也是一種享受。
這裏還有多款點心、湯品及甜品，包括外皮薄而透明，內餡飽滿爽口彈牙的蝦餃、外脆內多蟹肉及韮菜的韮菜炸蟹盒、有個靚靚皇冠勁多瑤柱的瑤柱鳳冠餃、一口盡嘗魚肚及蝦膠的百花釀魚肚、蠔油味鮮香又勁多料的蠔油鮮竹卷。還有白灼菜遠配上日本蠔油，灼菜都立即升格，味道口感截然不同好滋味；每日由怡保空運芽菜過來的XO醬炒怡保芽菜，超甜又爽口，接近失傳的威化蝦卷，入口如威化的鬆脆，內裏的蝦肉，鮮甜又彈牙。
原隻軟殼蝦多士，香脆鮮甜爽口共治一爐口感不油膩，每一件都充滿了真材實料非常美味的軟殼蝦多士。
鮑魚入口軟腍入味的八頭鮑魚酥，千層酥皮上是八頭鮑魚，入口柔韌彈牙口感，加埋鬆脆千層酥勁有層次，口感豐富，超級的滋味。
這款陳皮鴨湯，連某名人都超讚話全港只得呢間最好食，入口陣陣陳皮及鴨香，鴨湯肉好嫩，皮也猄吞落肚，又是太飽的話，會叫碗白飯，就更完美。
肉骨茶配油條最合香港人口味；原條鮮人蔘燉雞湯，真是原條人蔘，湯頭清甜。
自家製蕯琪瑪，入口鬆化不算太甜，好味；愛芝麻的朋友必試芝麻糕，入口茶香滿口都是鳳凰單叢的香氣，配埋桂花香，這鳳凰單叢桂花糕，確實令人回味，加上是凍糕，消暑解膩，愈來愈少人做的蛋黃千層糕，蛋香樸鼻，香滑無比，芋蓉焗布甸那芋蓉香好滋味，豆沙竹葉角軟腍的外層包裹着豆沙，口感軟糯，棗皇糕充滿棗香又是令人想再來一口，馬拉糕升級版，只能講句鬆軟又香，必試。
福和雍點心茶館
地址：中環皇后大道中30號娛樂行2樓C及D號舖（港鐵中環站 D2 出口, 港鐵香港站 C 出口）
電話：21239263
