可持續發展佳餚已成為了不少食肆的首選，尖沙咀凱悅軒主廚黃皓勤師傅，最近便以持續發展的海鮮，推出六款精緻海鮮佳餚，讓客人享用美味海產外的同時，也能為保育海洋貢獻一分力量。
「涼拌油雞㙡菌皇帝蟹肉法邊豆」阿拉斯加皇帝蟹腳肉，肉質鮮甜又鮮嫩，吃時加點師傅特製的油雞㙡菌汁，入口微辣，加埋爽脆的法邊豆和雞脾菇，另有一番滋味。
「米通脆炸魚肉丸子」單是荔枝賣相已攞滿分，將越南蝦及龍脷魚打成膠，沾上脆漿和脆米柞香，口感煙韌且爽彈，配上酸甜醬汁，又靚又好味。
「崧子波士頓龍蝦炒鮮奶」 做法有點像大良炒鮮奶，先將新鮮波士頓龍蝦過油，加入鮮奶蛋白漿，再將龍蝦肉回鑊輕輕拌入，最後放在炸麵餅上，入口脆卜卜的麵加埋波士頓龍蝦的鮮甜及炒鮮奶的香滑，好味指數攞滿分。
「素翅菜膽蟹肉雲吞雞」雲吞內餡是鮮蝦及豬肉，以清甜的雞湯打底，香濃鮮甜，素翅吸收了湯底的精華，滿滿濃郁的雞湯滋味，好味到滴湯不留。
「欖菜乾煸蓮藕帶子肉鬆」入口真是幾惹味，包括了加拿大帶子粒、冬筍粒、馬蹄粒、蓮藕粒、紅椒、腰果碎製成，加入欖菜醬汁乾煸翻炒至入味，吃時放入炸米甜筒，脆卜卜的口感豐富。
「雪菜濃湯海皇煨麵」蝦球和帶子，加入小棠菜粒、鮮菇及上海麵等，吃時可按個人喜好加入以功夫茶壺盛載著的的濃雞湯和雪菜粒，令煨麵增添鮮甜味道更是惹味。
黑芝麻糕 最後以香濃黑芝麻糕作結，令人好滿足。
凱悅軒
九龍尖沙咀河內道18號尖沙咀凱悅酒店 3 樓
供應期：即日至 11 月 15 日止
電話︰ +852 3721 7788
訂座： https://bit.ly/3AUodmF
