元朗屏山Tong’s 呢個「慕尼黑啤酒節」酒節任食自助晚餐，今年更是升級版，食物更有質素成本更高，當然是更滋味及好食。開幕當晚載歌載舞現場氣氛超正。
甫入Tong’s便看見大廚開大了爐火，正在煮大鑊飯，即是西班牙海鮮飯，傳統德國的烤雞、巨型椒鹽捲餅、烤魚、德國香腸，烤大蝦及烤鮑魚，未入口己聞到香噴噴。當然還有主角脆皮燒豬肘外脆肉軟又多肉汁，配埋德國酸椰菜，好味到無得彈。必吃的仲有Ochsenbraterei烤牛，入口肉汁豐富又夠腍，肉味香濃堅無得頂，好好味。
當然自助餐仲有香港人至愛的海鮮冷盤，各式青口、阿拉斯加長腳蟹腿、凍蝦、多款日本刺身、仲有即切西班牙火腿配埋哈蜜瓜，真是食得好有滋味。
最正一定要講的是話明是啤酒節又點可以唔啤啤佢，即場買套票任飲五大杯都是$250，就可以試齊各式鮮美啤酒，多款德國與歐洲啤酒，盡情享受德國啤酒節。現場仲有舉啤酒比賽、飲啤酒比賽、跳德國舞蹈、唱歌表演等，成晚節目豐富，好玩又好食，好快就度過了一個充滿開心歡樂周末。
唐Tong’s Road House
地址：元朗屏山唐人新村路1號地舖
電話：3521 0144)
