板神銅鑼灣間旗艦店又有好抵的優惠，說的是今期只要做會員只需$388，便可食到原價$688的激安套餐，套餐更包括前菜、刺身、龍蝦、和牛或豬仲有甜品，呢個超級無敵價真是超抵，最重要是食物好有質素。
講起呢個LUCKY7激安套餐真心是幾抵食，包括了前菜有沙律，刺身三款，每日不同的時令刺身，款款都好新鮮，質素都唔錯。
套餐是$388已有龍蝦只能講句性價比高，龍蝦放在鐵板還鮮活地擺動著。新鮮的食材，往往就是成功的關鍵，日藉的師傅响客人面前加了蝦膏蝦汁同炒龍蝦，入口時龍蝦鮮甜無比，龍蝦味特濃，超正。
套餐有日本宮崎牛肉薄燒，及日本豚肉任揀，牛肉薄燒濃濃的肉香，油脂分佈又平均，令人按奈不住想再來一客，但套餐還有其他食物，還是要留肚。
日本豚肉就非常的有特色，我還是首次吃到這個食法，師傅將之變成餃子般，內裏是蔥花，口感真是很特別，更中和了豚肉的油脂，好味。
砂糖牛油多士更是大家的心頭好，脆香甜美。
建議也可以加$48享用鵝肝，並以多士形式奉上，同樣令人一試愛上。
追加白鱈魚及帶子都只是$48，入口白鱈魚上配上酸甜的醬汁，好開胃，大大隻帶子都同樣好鮮呀!
$58可吃大蝦，師傅同樣用龍蝦膏來炒， 入口又是不得了的好好味。
炒飯又是令人欲罷不能，粒粒米飯乾身又好味，就算飽都要食埋落肚至算。
套餐是牛油砂糖多士，若想食得更精，就加了火焰•士多啤梨。
牛油和砂糖很快溶掉在麵包及士多啤梨，再配上一場火攻，士多啤梨有點焦香，更鮮甜，吸收牛油砂糖醬，煎得好脆啊！
板神鉄板燒日本料理
地址：銅鑼灣告士打道255-257號信和廣場1樓103號舖
電話：2817 7767
